अपन भाखा

# अपन भाखा
सब के महतारी एक हे, सब ला मिलजुल के रहना हे।
मिलजुल के तिहार मनाना अउ,मिलजुल बीपत ल सहना हे।
लडवैय्या जुझवैय्या के, कमी नइहे संसार मा।
मया म, मन जुड़ाथे, अउ जरथे जी तकरार मा।
सब झन छत्तीसगढ़िया अन, छत्तीसगढ़ के सेवा करन।
हिन्दी बोले के संगे संग, छत्तीसगढ़ी बोले म गरब करन।
छत्तीसगढ़ी म गोठियावै त, लइका मन ले टोंकव झन।
अपन भाखा के कदर करौ,बोहावत नदिया ल छेंकवझन।
@आशुतोष साहू
ग्राम नारायणपुर
विकास खंड नवागढ़
जिला बेमेतरा